Lishe ni Nini?

Lishe ni kiasi na aina ya chakula unachokula kulingana na mahitaji ya mwili wako. Lishe bora inamaanisha kuwa kiasi sahihi cha virutubishi vya mwili huliwa. Lishe bora ni moja ya mambo ya kimsingi yanayochangia maisha yenye afya.

Kila Chakula Kina Kusudi

Kuna aina tofauti za virutubishi katika chakula. Hivi ni:

• Protini
• Kabohaidreti
• Mafuta
• Vitamini
• Madini

Kwa mwili wenye afya, tunahitaji virutubishi hivi vyote muhimu. Kabohaidreti, protini, na mafuta huhitajika kwa ajili ya kujenga misuli na nguvu; madini na vitamini hutupatia nguvu kinzi dhidi ya magonjwa mbalimbali na kuuweka mwili katika hali ya afya. Maji pia ni muhimu.

Vyakula vinawekwa katika makundi kama vile nyama, maziwa na bidhaa zake, matunda na mboga kwa sababu vinatoa kiasi sawa cha virutubishi muhimu. Kwa mfano, maziwa na bidhaa zake hutupatia kalsiamu na protini, wakati kundi la matunda ni chanzo kizuri cha vitamini C. Kuchagua aina mbalimbali za vyakula kutasaidia kuifanya milo yako kuwa ya kuvutia na yenye afya.